حياة

اصتبحت يوم الأحد اللي فات مخنوق و مش عارف اروح فين ... فجأه اتصل بي صديقي و قالي تعال انزل احنا خرجين تعالي معانا و أخذت معي بالصدفة ( صديقتي ) الكاميرا ما تحسبوش حد تاني .. !؟سألته هنروح فين قالي رايحن الأزهر بارك حديقة بعد القلعة علي طول بس جميلة جداااا كانت مفاجاه لي حقيقي اول مره اعرف ان مصر حلوه كدة بجد بعيدا عن السياسة و النظام و الحاجات اللي تيجب الإكتأب دي ,... مناظر رائعه جداااا و طبيعة سبحان الخالق الذي وهب ، مصر حلوه والله بس عيبنا اننا مش مستحملين الحياه فيها بسبب نظامها و دكتاتورية حاكمها .. بجد نصيحة مني واعتبروها من أخوكم الصغير .. روحوا مره و لفوا علي الأثار و المتاحف اللي سياح العالم بيجوا علشان يشوفها .... شوفوا مصر بأعينكم و حبوها أكثر و يا ريت ما نقولش " ينعل ابو البلد دي " تاني او " ..... أبو البلد و اللي قاعدين فيها " ... تعالوا نشوف
ومش هتخسروا شئ غيروا جو .... كل عام وانتم بخير بمناسبة الربيع

و دي تقريبا ً مصر كلها من فوق













وهنا لقيت طائر معرش أسمة هو ولا حمامه او يمامة او حتي أبو قردان ، المهم انا كنت بختبر أداء الكاميرا من ناحية سرعة اخذ الصورة و الزوووم --- > بس نجحت



و وسط كل هذه الطبيعة لازم يكون في حريقة .... في الجانب الأخر في المقطم بعد مشروع نصير

Posted by Sameh Abul dahab at 4/02/2007 | Permalink | Comments | links to this post

البداية

كانت الساعة 5:30 رايح علي الحزب بطلعت حرب ...

ليقت علي الشمال قوات البلطجة عند الخطوط الجوية الفرنسية

و بجانب مكتبة مدبولي

شوية عربيات أمن مركزي و عربية ترحيلات جاهزة و بعدهم عربية مطافي كبير بس كادر الكاميرا مقدرتش أجبهم

ولقطة بالفيديو سريعة لمنظر العربيات

وفقفين تحت الحزب عند جروبي

ودول ناحية مكتبة مدبولي

و



بعد حزب التجمع بشوي و معاهم مجموعة عساكر عند محل هانو

و

و


تحت مقر حزب الغد

المهم لغاية الساعة 7 و شوية مش فاكر بالظبط كنت قاعد جوة المكتب و فجأه سمعنا صوت صويت بنات و في حاجة جرينا علي البلكونة لقيت مصور رويترز موجود وشغال تصوير ببص ليقت اول المخطوفين مالك " مدون ، صاحب مدونة أكس " و بعده علي طول مدحت شاكر و عمر " من كفاية " و صوت بنات بتصوت و في حاجة هناك عند الخطوط الجوية الفرنسية

زي ما أنتم شيفين كدة تحت الشجرة و هاتك يا ضرب في الناس

يمكن تضوح هنا

يمكن توضح هنا أكتر

هنا تم ضرب سارة و عبير و ياسمين و أخرين من الغد و كفاية و بعض المواطنين اللي كانوا مشين في حالهم .... ؟
الحال هيدي شوي ، و بعد كدة بأقل من 10 دقائق بدأ الضرب من جديد كنت واقف انا و مصور رويترز بنتكلم في موضوع تغطية الاستفتاء بكره و فجأه حصـــــــل


ناس بتجري شمال و يمين الشرطة بتجري وراهم
و

بعد كدة بخمس دقائق لقينا دول بيجروا ورا رايحين عربيتهم



و عساكر الأمن بزي مدني تجمعوا و الموضوع هيدئ شوية
ولكن كان مقلق جدااا
الساعة بقت

8.30

و كنا محجوزين فوق في الحزب

ودول تحت الحزب منوعوا أكتر 27 عضو بالنزول الي الشارع و تم إحتجازنا بالحزب حتي 9:45 م من مدونة محمد عبد الحي

ودي أخر صورة اخدتها في اليوم العجيب دة

نهايته .... ضرب واعتقالات و فوق كدة قلة أدب ...
ولمزيد من الصور علي

http://www.flickr.com/photos/sameh-egy1/

أنتظروا تغطية يوم الإستفتاء

Posted by Sameh Abul dahab at 3/25/2007 | Permalink | Comments | links to this post

Posted by Sameh Abul dahab at 3/24/2007 | Permalink | Comments | links to this post

الروم و كشف حساب و الأغلبية ... !!?

مشهد ( 1 )

منظر ( 1 )
الزمان : 20 مارس - الخامسة و نصف مساءا ً .
المكان : ميدان التحرير – بائع الجرائد .
فوتو مونتاج سريع
لأسماء بعض الجرائد .... مصري اليوم – اهرام – وفد – كرامة – دستور – صوت الأمة - الغد - الحياة - ..... و أرجع للغد مرة أخري و أسحبه .....

منظر ( 2 )
نفس الزمان و المكان و الفارق 10 دقائق ....
أقف و جهي الي مجمع التحرير و منتظر ان يأتي أثنين من أصدقائي لنذهب الي افتتاح فيلم كشف حساب .... ماسكاً الجرنال و أتصفحة من الاخر الي الأول بتفرج علي المنشيتات و يجزبني أحدهم اطبق الصفحة علي رقم 19 .... يأتي أحد أصدقائي ( مخرج ) و يأخذني الي العربية ... أطبق الجرنال و أمسكه مسكة موظفي الحكومة بس من غير البطيخة و الكيس الأسود ....

مشهد ( 2 )

المكان : في السيارة
اسلم علي صديقتي ( مُعده تلفزيونية بأحد قنوات الفضائية الشامية ) و أجلس أمام و نتحرك الي مدينة نصر و أفرد الجرنال

هي : يا سيدي ما حبكتش الثقافة دلوقتي ... سيبني ابص في المرايا
انا : طيب أصبري بقي .... !!! حسبي الراجل .......
هي : يا راجل ...!!.. ما طول ما انت فاتح الجرنال دة طول ما حنا هنعمل حوداث و نتقفش بتهمة قراءة صحف معارضة ..
انا : المهم الراجل كويس !!
هي : اموت واعرف انت بتقرأ ايه مش المفروض انك قرأته قبل الطبع
انا : امممم
هي : شيل بقي .... وارحمني !!
انا : اديني شيلت " صبرني يا رب " ، انا لصديقي اللي ورا " ما تجيش انت هنا و ترحمني من زنها عاوز أقرا "
هو : اموت و اعرف أية الي شدك كدة للصفحة دي ؟؟ يا أخي اقلب يمكن تلاقي حاجة تانية تعديلات دستورية و بتاع أية يا راجل روووح !!
انا : لالالا .... مافيش ... ربنا يستر !!
هي : أكيد ربنا هيسترها .... !
أنا : بإذن الله ......
تشغل الكاسيت و يفتح علي إذاعة القرآن الكريم و توشيح قبل اذان المغرب ... زحمة غمرة و بعد 10 دقائق وصلنا العباسية .... المشهد اتوبيس وقاف بالورب و أخر خارج من المحطة و سيارة ميكروباص خارجة من تحت الكوبري بتلف طالع منها واحد تلات تربعة بره " عاشر و اللي جاي عاشر عاشر "

أفتح مرة أخري الجرنال و انظر لنفس الصفحة !! و أقول بصوت منخفض جداااا -- > " لا حول و لا قوة الإ بالله " و اهز رأسي مستعجب الحال .. هامسا " هو الحال وصل لكدة .... ماشي "
هي : حال اية يا أخ ... انت اتجننت أكيد ؟ ! مالك انتطق اتكلم .... ما نتناقش بصوت عالي ....
صديقي : بقولك اية مش احنا انهاردة قعدنا و حطينا خطة نعد بها برنامج " .. " و كنا اربع انفار المهم اقترحنا انه " ... " منا تلاته كانوا عاوزين الحاجة الأولي بما انها الأفضل و دة طبعا حسب الأغلبية ..!!
انا : (( منفعل – و دة طبعا ً مش لانهم اختاروا دة )) بصوت عالي " الله يخرب بيت الأغلبية و سنينها !! يبقي بقولك اية اقعد ساكت و ارحمني مش عاوز اعرف اسباب غير لما نخلص من الزحمة المقرفة دي .. قال أغلبية
هو : مستغرب !! مش عاوز تسمع حتي تفاصيل الموضوع .... ويستكمل .. أصل الموض...
انا : مقاطعه مش عاوز اسمع تفاصيل حاجة ما تهمنيش
هي : خلاص هو مخنوق من اللي في جرنال ، كلمة فية أحسن
انا : خد اقرأ دي و قلي رأيك اية في الأغلبية .. !!
هو : هات يا سيدي ما نشوف أغلبيتكم بتقول اية ؟؟؟
انا : (( لصديقتي )) : بقولك اية ؟؟
هي ( مخنوقة ) امممم ، نعم
انا : مالك ما براحة علية ، عاوزك تفسري لي الأية الكريمة
دي " الم . غلبت الروم . في ادنى الارض . وهم من بعد غلبهم سيغلبون " ها ؟؟
هي : اه دي سورة الروم ... عارفها دي كانت أحدثها في لما ملك فارس استخف بكتاب رسول الله صلى الله عليه وآله ومزقه واستخف برسوله وكان ملك فارس يومها يقاتل ملك الروم وكان المسلمون يغلب ملك الروم ملك فارس وكانوا لناحية ارجا منهم لملك فارس فلما غلب ملك فارس ملك الروم كره ذلك المسلمون واغتموا به فأنزل الله عز وجل بذلك كتابا الم غلبت الروم في ادنى الارض يعني غلبتها فارس في ادنى الارض وهي الشامات وما حولها وهم يعني فارس من بعد غلبهم الروم سيغلبون يعني يغلبهم المسلمون في بضع سنين لله الامر من قبل ومن بعد ويومئذ يفرح المؤمنون بنصر الله ينصر من يشآء ، مالها يعني .... ؟ ؟
انا : طيب كويس كل اللي قولتيه عارفة ، تقدري تقولي اية علاقتها بالأغلبية ؟؟؟
صديقي : هو لية ما كملش لنهاية الصورة ..
انا : اصبر بس
هي : هو يقصد ية في مقالة
هو : يا ستي بيقول " ان الدلالة القرآنية للفظ الأغلبية هو لفظ قاطع بالنتيجة " ....
هي : قول تاني الجزء المذكور كدة
هو : " الم . غلبت الروم . في أدنى الأرض . وهم من بعد غلبهم سيغلبون "
هي : أممممم ، هما بتوع السياسة كدة ، بيفسروا القرآن كمان علي مذاجهم مش كفاية الدستور ، بس يا سيدي ...
انا : ابص لها بطريقة عجيبة : بقولك ايه هما مين ، حددي انا و غير كتير ما بيجبوش سيرة القرآن في أي حاجة الا عند الحاجة و الإشارة تكون في مدلول الحدث و اكون فاهمها ؟؟؟!!
هي : طيب بصوا من الأخر تفسيرها كدة غلبت الروم ، مين اللي غلبتها فارس، في ادنى الارض بيقولوا ادنى ارض العرب منهم أو ادنى ارضهم من العرب وهم من بعد غلبهم سيغلبون ، مفهومة يعني بس لها بقية علشان تتفهم أكتر "في بضع سنين لله الامر من قبل ومن بعد ويومئذ يفرح المؤمنون بنصر الله . ينصر من يشاء وهو العزيز الرحيم "
انا : اوكي ، مش فاهم اية علاقتها بالأغلبية ؟؟؟
هو : بقولك فكك بقي من الموضوع دة فعلاً السياسيين بيفهموا علي طبيعة الحدث يعني زي " ولا تقربوا الصلاة و أنتم ..... بس ما يسمعش وانتم دي حتي !!!
هي : ها قربنا هنركن فين بقي !!
هو : يا ستي اصبري لسة قدام بعد مكرم عبيد كدة شمال .... حتي ما قرأ السورة لنهايتها في حاجة فاكرها كدة
بتقول " ولقد ضربنا للناس في هذا القرآن من كل مثل ولئن جئتهم بآية ليقولن الذين كفروا ان انتم الا مبطلون . كذلك يطبع الله على قلوب الذين لا يعلمون " صدق الله العظيم
هي : صح صدق الله العظيم
انا : لفي شمال بقي ... علشان نلحق الحته الفاضية اللي هناك دي !!
هي : تقدر تقولي انت يا سامح اية علاقة انتخابتكم و اللوائح الداخلية للحزب و مجلس الشعب و خلافة بسورة الروم ، هو مش انتم انتخبتوا و خلاص بقي المحامي المعروف دة
انا : اه إيهاب الخولي
هو : ايوا بقي رئيس الحزب
انا : امممم ايوا بقي .... بس ربنا يستر
هي : يعني من الأخر هو بقي في أية ؟
انا : اصبر دلوقتي ننزل نروح نقعد في أي حته لسه فاضل علي ميعادنا ساعة كاملة ....

مشهد ( 3 )

المكان : كافي شوب
الزمان : 7:30 مساءا ً
نذهب الي كافي شوب "... " نجلس و نطلب الحاجة و تنزل لنا
هي : بقولك هات المقال دة لما أقرأ و اشوف في اية .
... نصمت كلنا لمدة 7 دقائق تقريباً ...
هي : هو يعني اية او أي مبدأ دة اللي يتاخد بية نظرية ( 50 % + 1 ) مش فاهمه يعني اية معني كدة انتخابات الرئاسة .. رئاسنا جيه عافية و ماقلوش لية النظرية العجيبة دي !! ، هما كان كام مرشح عندكم ؟؟
انا : 4
هي : يعني مستحيل النظرية دي يكون لها ناتج ؟؟
انا : ايوا طبعاُ
هو : بقولكم اية انا مش مقتنع اصلاُ بالكلام دة
هي : بص الموضوع مفهوم هو مش عجباه النتيجة ؟؟
انا : امممم .... ايوا
هي : طيب
هو : يا متر الحساب من فضلك ؟
انا : يلا يا " ... " خلاص هو هيحاسب ....
هو : يبقي الجرنال العجيب دة و كمان هحاسب ، كتر خيرك !!

مشهد ( 4 )

المكان : قاعة العرض بالسينما
الزمان : بالظبط 10.35 مساءاً
الحدث :
تليفوني يرن " ؟؟؟ " ربنا يستر
المتصل : شوفت اللي حصل
انا : (( بجري علي سلالم القاعة و الظلام الكاحل و هوب اخبط في بتاعة الأمن )) اية اللي حصل ؟؟
المتصل : لجنة الحكماء لم تعتد بإيهاب
انا : لآلآلآ مستحيل ....
المتصل : الخولي رئيس الحزب و تم تعين م . جميلة إسماعيل رئيس للحزب !!
انا : اية ، نعم
المتصل : بيتكلم كلام كتير و بيشرح الموضوع ......
انا : حسبنا الله و نعم الوكيل .... حسبنا الله و نعم الوكيل..... حسبنا الله و نعم الوكيل ، خلاص الغد بيموت يا ناس
المتصل : يستمر في الكلام
أنا : حسبنا الله و نعم الوكيل ، بص خلاص مش عاوز اسمع حاجة ، سلام
(( أدخل القاعة مرة أخري و أجلس يرن موبيلي تاني شخص أخر ))
يسرد لي الأحداث و بعدها قلت انا لسة قافل معي " .... " وحكالي ... خلاص ...... خلاص حسبنا الله و نعم الوكيل ... !!


مشهد ( 5 )

المكان : الشارع متجه الي السيارة
الزمان : 12.30 صباحاُ
بكلم نفسي " يا ربي بعد الحال ما انصلح تيجي لجنة الحكماء و تخبربها تاني و نقعد من اول وجديد ننتخب ، انا خلاص مش ناوي اكون حيادي تاني خلاص لازم اختار و انا اصلا مختار و مصر علي انه يكون ...
بص انا لازم اعمل شئ ، بس اية اللي هتعملة ، مش عارف ، بس لازم يكون لي موقف واضح ، هتخسر ناس كتير ، مش قد اللي مشيوا و خسرتهم في حياتي !! ، طيب استهدي بالله و اعرف الموضوع اية بس و عندك صفحة جرنال لازم تتسلم بكره ، اهدي بس و فكر "

مشهد ( 6 )
المكان : السيارة
الزمان : 12.40 ص
نركب السيارة و نمشي
تشغل الكاسيت ، علي إذاعة نجوم أف إم
هي : يوووو ، اسامة منير خلص
هو : طيب هاتي إذاعة الشرق الاوسط
هي : قبل التعديل و لا بعد !!
نضحك كلنا ...
أنا : بصي قدامك و خليكي في السواقة .... اجيب إذاعة القرآن الكريم و القي الشيخ الحصري
اركز مع نفسي و اسرح و لكني انتبه فجأه لشئ خطر علي بالي .... فكرت كثيرا في قرار اللجنة اللي صدر من ساعات !!
فجأة اغمض عيني و القي أية من سورة ( ق ) بتقول
" ﴿وَلَقَدْ خَلَقْنَا الْإِنْسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ ، إِذْ يَتَلَقَّى الْمُتَلَقِّيَانِ عَنْ الْيَمِينِ وَعَنْ الشِّمَالِ قَعِيدٌ ، مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ ) "

، مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ
، مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ
، مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ
، مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ
، مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ

تكررت معي كثيرا

و في النهاية قلت " حسبي الله و نعم الوكيل "


النهاية
...
مشهد ( 7 )

المكان : ميدان الجيزة
الزمان : 1:20 صباحاً

ذهبت لآشتري هدية عيد الأم .... و بعدها
جلست مع نفسي علي القهوة و انظر مره أخري الي المقال و اتذكر اليوم العجيب دة !! اشرب قهوة "و اقول " يلا ما حدش واخد منها حاجة " و اقوم امشي القي امام بائع جرائد امام سينما الفيتازيو ، انظر إلية .... واقول يلا ما علينا مش عاوز اعرف الجرايد فيها اية ؟؟
اية اليوم العجيب دة ، اولة أغلبية و أوسطه طرائف و آخرة كشف حساب !! سبحانك يا رب !!


سامح أبوالدهب
الزمان : 5:46 فجر يوم 21 مارس 2007

Posted by Sameh Abul dahab at 3/22/2007 | Permalink | Comments | links to this post

تاني 76 هنعدلها من تاني !!
بداية تغيير نص المادة 76 من القانون هو بداية بوابه الديمقراطية والوصول لها مشروط بعدة شروط يجب أن تتوافر في الشعب الذي يريد أن يعبر عن رأيه في من يحكمه. حيث أن الغالبية من الشعب المصري يائس وفاقد الأمل في الإصلاح، فإن توالدت العزيمة في نفس كل مصري بالإصلاح بداية من نفسه و شخصه وعائلته وأسرته لا نصلح المجتمع و يأتي هذا بالتغيير في لنفس المصرية وليس بتغيير الأشخاص والاعتماد على الذات وليس على الغير في كافة الأشياء سواء سياسية أو اجتماعية أو اقتصادية والاتجاه نحو التوحيد وعدم قبول التفرقة التي قصدتها بعض الدول الهادفة لتحطيم الكيان المصري. أصبح من رابع المستحيلات أن يترشح مستقل لانتخابات الرئاسة، وقد تم إجهاض تعديل المادة 76 بالتمرير الذي تم بمجلس الشعب بأغلبيته التابعة للحزب الوطني و لمره أخري يستبعد الغالبية من الشعب و يعيق خوض المستقل في دخوله للانتخابات ، والذي قوبل بمعارضة هائلة من الأحزاب المعارضة.
سر 77 !!
مضمونها لا سقف زمني لمدة الرئاسة أي أن بقاء الرئيس في المنصب مدى الحياة. و وضع الدستور الحالي عام 1971 وعدل عام 1980 للنص على عدد لا نهائي من فترات الرئاسة بدلا من فترتين للرئيس و المجهول هنا تعديها في 2007 .. !

الإشراف علي الانتخابات بالطريقة الهندية ....!

المادة " 88 " إلغاء وجود القاضي خلف الصندوق وعودة جديدة لموظفي الحكومة في الإشراف علي الصناديق ، وهو اعتداء واضح علي الإشراف القضائي و تهميش قضاة مصر مما يفتح المجال أمام التدخل الأمني في سير الانتخابات مما يسبب الفوضى و الغضب و تزوير إرادة الشعب ، وأن استبدال الإشراف القضائي بلجنة تشرف علي الانتخابات علي طريقة الهندية ، يتنافي وهذا يتنافي مع الحياة السياسية في مصر ، وبجانب ذالك تعتبر سد منيع للحرية او أي إشعاع للإصلاح الداخلي .

الـ 179 لا لحرمة بيتك و لا لحياتك الشخصية .. ؟

من المفروض انها تعدل و تضاف إليها قانون الإرهاب الجديد مع انها لا ترتبط بما تنصة المواد "40 و 41 و 44 و 45 " و هذه المادة تعمل علي نقص الدستور نقصا في موارد الحرية فإنها تعمل علي إجراءات استثنائية في عمليات القبض و التفتيش و و التحقيق و تعطي رئيس الدولة الحق في الإحالة الي أي محاكمة دون ارتباط بقواعد عامة و الكارثة هنا ان قانون الإرهاب لم يحدد ما هي جرائم الإرهاب .

Posted by Sameh Abul dahab at 3/20/2007 | Permalink | Comments | links to this post

Posted by Sameh Abul dahab at 3/19/2007 | Permalink | Comments | links to this post

كرسي الحكومة

ضمن فعاليات مهرجان المسرح العربي السادس قدمت فرقة 007 للإنتاج عرض مسرحي " كرسي الحكومة " من تأليف السيد الشوربجي و إخراج أحمد عادل و بطولة تامر القاضي و هيثم عصام و محمد أسامة و الطفل محمد عبد الناصر و الديكور عبد الحميد كوفي .

و تتلخص أحداث المسرحية في تولي رئيس الوزراء الجديد مهامه فيذهب إلي مكتبه فيجد عالم أخر من النفاق و السرقة و النصب و عالم مبادئه الاول هو الفلوس و السلطة .
فيقابل رئيس مكتبه شخص غامض يسعي وراء السلطة فأول شئ يسأل عنه هو شكاوي المواطنين فيجاوبه بإنها تحرق أول بأول علي اساس انها مكرره و يبقي منها اللي بالواسطة فيقرر بأن يستدعي رئيس مكتب الشكاوي فيطلب منه شكاوي اليوم فيأتي بعدة أكياس بها الالف الخطابات فتأخذة يده وسط خطابات المواطنين و فتشد انتباه رسالة من مواطنة فيقرر أن يتخفي في سائق تاكسي و فيعرض علية رئيس مكتبه أن يزور له بطاقة و رخصة قيادة و يذهب إلي المواطنة ليقابل والدها و في أثناء الطريق يقابله دورية الشرطة تأخذه الي قسم الشرطة و منها إلي الحجز و يري ما لا يري من ضرب و ايهانه و سوء معامله .... ليظهر لنا صورة سينمائية علي خشبة المسرح يظهر فيها من بين من الذي يحكم و من الذي يتحكم تتوالي الأحداث الي عدة موضوعات يعاني منها مجتمعنا الأن منها من الفقر و القهر و الظلم و الجبن و الجهل . . وغيرها

أجاد المخرج الإخراج علي أقل الإمكانيات و الا ان المسرح الذي تم العرض علية نقصت منه بعض الإمكانيات مثل الزوم لإظهار الشخصيات و وضع علي بؤرة الضوء و قلة مساحة خشبة المسرح الإ ان نجاح التجربة لازم بها بعض العيوب مثل تركات الصوت تتأخر عن الحوار
وأما عن الإضاءة أستخدم الألوان الساخنة التي تجعل الحوائط و مختلف المواضيع و كأنها تندفع الي الأمام و أحداث جارية و أستخدم في المشاهد التي يظهر فيها رئيس المكتب الالوان الغائمة التي تؤدي الي أحاسيس غير واضحة و الي غموض الشخصيات التي تسلط عليها تلك الأضواء .
و الديكور فكان بسيطاُ و نجاحاً في المضمون الخلفية عن ما تأول إلية الأحداث ، ولكن اذا استخدم خروجة و حركته بشكل أفضل و أحسن من ذالك كان وضح أمام المشاهد .
---------------------------------

Posted by Sameh Abul dahab at 3/19/2007 | Permalink | Comments | links to this post

أقدر و احترم هذا الشخص و مافيش غير كلمة " أحبك " اقولها له

Posted by Sameh Abul dahab at 3/14/2007 | Permalink | Comments | links to this post

Posted by Sameh Abul dahab at 3/06/2007 | Permalink | Comments | links to this post

Posted by Sameh Abul dahab at 3/05/2007 | Permalink | Comments | links to this post